തിരുവനന്തപുരം: ഇലക്ട്രിക്കല്‍, ഡിജിറ്റല്‍ ബില്‍ഡിംഗ് ഇന്‍ഫ്രാസ്ട്രക്ച്ചര്‍ മേഖലയിലെ ആഗോള തലവനായ ലെഗ്രാന്‍ഡ് ഇന്ത്യ ' ഓള്‍സി ' സ്വിച്ച് ശ്രേണി അവതരിപ്പിച്ചു. ഗുണമേന്മയെ കൂടാതെ മനോഹരമായ ഡിസൈനും കണ്ണഞ്ചിപ്പിക്കുന്ന നിറങ്ങളും ഇതിന്റെ പ്രത്യേകതകളാണെന്ന്് കമ്പനി സി ഇ ഒ യും എം ഡിയുമായ ടോണി ബെര്‍ലാന്‍ഡും മാര്‍ക്കറ്റിംഗ് ഡയറക്ടര്‍ സമീര്‍ സക് സെനയും പറഞ്ഞു.
ഒരേ സമയം വിവിധ ജോലികള്‍ ചെയ്യുന്ന ഈ കാലഘട്ടത്തിലെ മള്‍ട്ടി ടാസ്‌ക്കര്‍മാരുടെ ജീവിതം ലളിതമാക്കുന്ന രീതിയിലാണ് ഇത് രൂപകല്പന ചെയ്തിരിക്കുന്നത്. ഒരിടത്ത് നിന്നുകൊണ്ട് റിമോട്ട് കണ്‍ട്രോള്‍ യൂണിറ്റ് ഉപയോഗിച്ച് നാല് ലൈറ്റുകളും ഒരു ഫാനും നിയന്ത്രിക്കാനാവും. കൂടാതെ ശബ്ദ രഹിത അള്‍ട്രാ സോഫ്റ്റ് ടച്ച് റോക്കര്‍ സ്വിച്ചുകളുമുണ്ട്. ഓരോ ഉപ്പന്നത്തിലും ഗുണനിലവാര സര്‍ട്ടിഫിക്കറ്റുകളും സുരക്ഷാ ക്രമീകരണങ്ങളും ഉറപ്പുവരുത്തിയിട്ടുണ്ടെന്നും ഇവര്‍ വ്യക്തമാക്കി. കഴിഞ്ഞ 25 വര്‍ഷങ്ങളായി. ലെഗ്രാന്‍ഡ് ഉല്‍പ്പന്നങ്ങളുടെ സജീവ സാന്നിധ്യമുണ്ട് ഇന്ത്യന്‍ വിപണിയിലുണ്ട്.
